Ձյո՛ւն, փափո՛ւկ ձյուն, սպիտա՛կ ձյուն,
Զգո՛ւյշ իջի՛ր աշխարհին,
Ծաղիկները մտել են քուն,
Հողն է նրանց անկողին:
Հանդա՜րտ, կամա՜ց իջի՛ր այնպես՝
Ծաղիկները չարթնանան,
Ծածկի՛ր նրանց քնքուշ ու հեզ,
Զգո՜ւյշ, զգո՜ւյշ անսահման:
Ձյո՛ւն, փափո՛ւկ ձյուն, սպիտա՛կ ձյուն,
Հանգի՜ստ, խաղա՛ղ իջի՛ր վար,
Ծաղիկները մտել են քուն,
Ծաղիկները ցրտահար:
Հարցեր և առաջադրանքներ
- Բանաստեղծության կրկնվող տողերը ընդգծի՛ր:
- Ի՞նչն էր ծաղիկներ անկողինը: ———————————————————————
- Ինչպե՞ս պետք է ձյունը ծածկի ծաղիկներին: Դո՛ւրս գրիր այդ տողերը:
—————————————————————————————————————————————————————————————————————————————————————————————————————————————————— - Ձյան մասին հանելուկ հորինի՛ր: Տեղադրի՛ր բլոգում։
- Պատկերացրո՛ւ՝ հանդիպել ես մեկին, ով չգիտի, թե ինչ է ձյունը: Պատմի՛ր նրան ձյան մասին:
——————————————————————————————————————————————————————————————————————————————————————————————————————————————————————————————————————————————————————————————————————————————————————————————